سیف حطنی ابیمتک وکت الطراد
زامط العدوان وافزع بیّه هد
او لون گطعوا زنودک بالنزال
انگلب یا مذهبي ابشانك زند
لا گبل لا تنگطع منک چفوف
راح جدامک انه اچفوفی امد
آنه شيعي او منهجيتي امن الحسين
يعني لو صيرن وصل لا ما ارد
مني إسگیهه الارض حد ما تفیض
وادری من دمي يضل ينبع مجد
آنه متلمني الخرايط والحدود
او لا عشيره البيهه ألهه او انعجد
لا دِوّل ليهه أنتمي او لا أيي حُوز
والسراط الأتبعه امبينلي جِد
آنه مو واحد ولا عشره او أولوف
آنه اكبر طائفه او لله الحمد
لا یكسر ابراسك الخصمك دگول
گله شعبي ابعلمه اكبر مجتهد
اي طفلنه ايناقش العالم جميع
لو تجربه اتشوفه قائم مستعد
وانته یا درب الروافض یاعظیم
بینه حل اشما ترید او بینه شد
جعفر عبدالمهدی العبادی
انته یا شیخ المشایخ لو اجیت
تامر او تنهی او تمشّی احچایتك
تنزل الرایات طوعاً واحترام
وانته تصعد عالبیارق رایتك
تالي تحله الهوسه والهوسات الك
يا من الضدك تموت شارتك
انته مو لازم تقاتل بالنزال
خزره من لمحت طرف منضارتك
تذهل الكفار من شرق او شمال
او تركع العذال واتحب صايتك
وانته بعلومك تدليهه الصراط
او كل خلگ ربك تشاهد آيتك
والحكومه اتمدهه يا وسع المداد
او كلهه بيهه اتعيش تحت اولايتك
جعفرعبدالمهدي العبادي
يا حيدر علي الكرار يل اسمك عمود الدين
شيعه او نضل حد الموت ضد الكفر متحدين
مواته الشعب مولای لجلک یا ابو الحسنین
ما یردونه الما رادک یاحیدر
وصلوا للغدیر او صاح نوّخ یا ظعن لاسلام
ننطر کلمن اتأخر وانرجعه العبر جدام
من الله الخبر هاليوم مو خاص الامر بل عام
حيدر خليته من بعدك
لو يصير الكون دفتر والبحر يصبح مداد
ما تخط نِص الفضايل من علي خير العباد
بالغدیر اشگال ربک حب علی اکبر جهاد
وااااجب حُب الکرار
لو نطونی الدنیه کلهه او گالوا افعل ماتشاء
ما اعوفن حُب علينه او ابگه ادافع عالولاء
وادري يحضرني ابمماتي او بالشدايد والرخاء
والاول حیدر مو غیره
من هد علی الکرار صوب الخندق او قط لیه
صارت ضغبره او دخان والوادم تصد اعلیه
شافو گام ابو الحسنین راس العامری ابیدیه
هووس والسيف البيمناته
جعفر عبدالمهدی العبادی
ما نخیتک یا علی ابوکت الصعاب
إلّه والکلفات گاضیهن اکید
واعرفك يابو الحسن یابوالحُسين
كلشي بيدك ينفتح مامن شديد
یا من المختار زامط خصمه بیك
إطلع المرحب او گص منه الورید
او حصن خیبر فلشه بیدك
بابه شلعه او ذبه فوگ اعله الصعید
انته صیتك عالي ما فوق المقال
منفرد تاریخ الك واحد فريد
انته گضّاي الحوائج لليريد
واليجيك اتليّن ابشانه الحديد
والله لو ايدي لو تدگ باب الخصیم
راح أگصهه او ما اریدن هیچی إيد
جعفر عبدالمهدی العبادی
وحگ اللی خلقنی ونتهانی
ادور اعلیک خارج ونتهانی
لوّن ما ترجع اخلص ونتهاني
ك نخله ابصف نهر منهوب ميّه
يمن طه النبي يهديب وصلاك
نريد الملتقي وانريد وصلاك
وکت تظهر اجيك ازحوف وصلاك
واموت الخدمتك يبن اچیه
النفط والگاز والجیعان ولما
بسمهن حصلوا العدوان ولما
یردونه نعوف احسین ولما
تحس عافت علي بسم القضیه
سيفك عاليضد الدين سل في
خويك لو گطع ویاك سل في
إگصده او صوّر انته اوياه سلفي
تضل تذكار لليذكر خويّه
جعفر عبدالمهدی العبادی
آنه ابن الجمّع خوانه
او لو سییر یگصدهم کلهم
چنت ازغییر واذکر نطلع
وانسافر وانروح الحیهم
عبادان او نمشی الگصبه
او نوب الرامز وانعایدهم
کثره ادیار او ما عددهن
بیهن اهلی او کلهه اندلهم
حنّییت والدنه اتبچی
فقرا البیهم کلهه ایعدهم
کل یوم ایوصنی ابگومی
یابویه اهلک بعدی اتمرهم
والطایح اتّچیله
والجرحه اتصیر انته المرهم
یا جعفر یا بویه اتعلّم
غیّض نفسک لا اتزعلهم
چف واحد ما یصفج گلّی
بالک فد یوم اتطشرهم
مثل اهلک ما یحصل بویه
او للکلفات ای اتلِمهُم
علمنی او ختمیت ادروسه
او انطی الروح الخیر او شرهم
گلالی الجنه ابچف حیدر
وابچف فاطم لا تترکهم
علمنی او ربانی احسینی
او اهل البیت ای اخدمهم
او علمنی ابعاشور اتحزم
واخدم کل واحد یگصدهم
#عبدالمهدی
جعفر خلیل العبادی
یا محمد یا رسول الله البخیت
اتشوّر ابکلمن یسیئك لو غلط
وانته ابو گلب الحنین الکله طیب
اتسامح الیتعذرک لو ذنبه شط
انته نور الباري من زاح الظلام
الحط عله الاحرُف مكانات النقط
اعرف الحق تعرف اهله امبينين
انته اهله او كلمن اوياك اختلط
صار نفسك من قبل رب الكريم
او غيره ما يقبل احد لا والله قط
انته بينت الصراط المستقيم
او گلت هذه الدرب درب الله خط
او رادو ایزلقونك اب ابصارهم
علانهه او فلتانهه وافلاني نط
لكن الراده يصير ابكن يكون
غصبن اعليهم علي الاول فقط
جعفر عبدالمهدی العبادی
حافی من بیتی عله اجدامی اروح
بلچی ادرک ذره من ظیم العلیل
خلی رجلینی یچویهه التراب
اوتحرگ ابویهی شمس الله الجلیل
ماکو برگبتي سنسله امن الحدید
او سوط ما ینطگ علیٰ جسمي النحیل
او لا شماته او لا شتایم بلطریق
او لا سبایه اویای تصرخ یا کفیل
او لا طفل کل ساعه من ناگه یطیح
او بین چم یوم او یگع واحد چتیل
او لا ایحطّونه ابخرایب راس ابوی
وختي اتموت اعله راسه امن العویل
وآنه عماتي ولا تنطگ سیاط
او لاهن امرکبینهن فوگ الهزیل
عمي خلوني ابهوای اشما نویت
وارد ازور احسین شدیت الرحیل
ماتشوف اهل المواکب بالمسیر
یاهله ابزواره والمدمع یسیل
عندي اتبات یامن لیه اجیت
لو ولو لحظه تضل تگعد قلیل
اعرف ابقدرک یزایر للحسین
انته طالع گاصد الاعظم سبیل
تنمحي کل خطوه منّک سیأت
والمحاسن تنکتبلک بالبدیل
یحضرک وکت الممات او بالورود
اوراح یجزی لک تره ابخیر الجزیل
جعفر عبدالمهدی العبادی
الــــــــــــــفیّةُ عَبدُالمَهدي
الألف أحمد نبینه المصطفی بیّن الإسلام کلّه او عرّفه
الباء بالكرار الإسلام اعتله یعنی من دونه الصحابه امبهذله
حیدر إبشخصه نِعرف المرجله اي علی الکرار صوت الماخفه
التاء تالي ایرید إله بالتضحیات فاطمه الوگفت تدافع للممات
وهیه قدوه ات للنسوه الاُبات وإبأمر منهه الگبر هم اختفه
الثاء ثللم سیف کل واحد وکح والحسن فاز ابصموده او بالصلح
یعني شک ابگلب کل حاقد رمح او بالکرم لساعه شاهد موقفه
الجیم جاهد في جهاد الموت أکید یستقام الدین لو یفضح یزید
ضحّه بأهله او صحبته وأصبح شهید یا مناضل یشبه إحسین ابطفه
الحاء حنّه ابعاشر احسین الظهر حیث منه ایروح عباس الگمر
حامل الوائه او یطیح إعله النهر هذه لمصاب اللي یگطع کل گفه
الخاء خدّر هامت ابوسط الفله آه منچ آه یا کرب او بله
یسّروا آل الوصي عقد الوله لارحم عدهم ولا اي عاطفه
الدال دخلوا بلسبایه ابکل بلاد طبّوا الشام او أیادیهم گیاد
والشماته تشمت ابزین العباد باتوا اهناک ابخرابه او من قفه
الذال ذاک ایزید سفّاک الدما هذه ابوالباقرابن خیر الوری
من صعد لاعواد یخطب بالملا آنه ابن مکه او منا ویّه الصفا
الراء رادو یمنعوا من الحچي حوّل الافراح لاکن بالبچي
چان بالگید او عله أعصاته اموچي رعّب إبگلب الرذیله او خوّفه
ااء زاروا من بعد رد الضعین وانعرف للیوم یوم الاربعین
توجب الجنّه لِمن زار الحُسین لکن إزیاره إبتمام المعرفه
السین سائل ما یرد اله ابجواب هذه ابوالصادق مفسّر للکتاب
کلهه تعرف باقر اعلوم الصعاب وابدلیل الخاطی بالحد وگفه
الشین شربینه محبتهم شرب من معین الصادق الصافي العذب
مذهبه الحق او ثبت ذاکن چذب واللي تتبعهم اُناس امخرّفه
الصاد صادِق بالکلام الاب او جد او بالعلم یتفایض او لا ماله حد
حصنه واسع والیطبّه ابشانه سد یحفظه امن النار عن لا تلقفه
الضاد ضِدهم صار کل طاغی رجیم والله شاهد ما اقولنه او علیم
ینسجن لیش العمد موسی الکظیم وإنقتل بسموم شیخ الطائفه
الطاء طئطء کل شوامخ من رؤس الملحدین او کل دیانه اویه المجوس
کلهه طخّت من نطق شمس الشموس بین الدین ابتمامه او وصّفه
الظاء ظهرت ظاهره ابکل البلاد معجزات الوالی امحمد جواد
ینعرف بین الخلگ باب المراد او وسّم الدین ابوسامه او شرفه
العین عدّل ؛رتب اوصفه الامور او شهدت ابشأنه علی مر الدهور
شُبهه للشیعه کشفهه ابن الطهور بي غدت للیوم هیچ اموالفه
الغین غارت حسدت الشیعه الانام حیث مثل الهادی ما عدهم امام
آذوا ابن الطیّب اولاد الحرام محیی چان الدین الله او مصحفه
الفاء فهّم ماهوّهَ معنی الهُداة بایاره الجامعه اتشوف الصفات
هذه شیّ الدوم یرعبهه الطغاة ما ترید الناس تمشي إمثقفه
القاف قالوا للحسن بأمر اللعین لا تهیّج الناس واتزور الحسین
واهوا گال اار یوم الاربعین بي صفات المؤمن او محله الصفه
الکاف كافي امن الجهل يهل الجهل بيد دوله الكافره المولىَ انقتل
والبقه واحد بعد من هل أهل غاب عن انظارنه او عنّه انخفه
اللام لامونه اشکثر لمحبته واحنه نبگه او نفتخر چ شیعته
ما نخاف امن الخصیم اشما فته خله یشفی اغلیله وایگول اشتفه
المیم ما یحتاج اسولف بالعتاب المهدی مثل الشیعه آذاه الغیاب
الچم نفر رکضینه بس طلعوا سراب اله مسحت چفه وانحصل الشفه
النون نوّر نوره بگلیب المحب والنفع مثل الشمس خلف السحب
والیحبه الوصله ما تحجب حجب والجمیع اتشوفه لو سل مرهفه
الهاء هادینه لون یظهر اکید ننزع اثیاب السمل نلبس جدید
ذاک یوم ابلا تقیه او عدنه عید والخصم تبگه حیاره امصفصفه
الواو ویله الچان حاقد عالنبی یذبح ایفجّر یشتّم مذهبی
انگله جاک الیوم مهدي العربي قائد الامه العضيمه المُشرفه
الیاء یا میت هله اتصیح البشر بالامام المنجي مهدي المنتظر
ثار ضلع امك نريده امن الكسَر او ثار جد المنذبح من القفه
جعفر عبدالمهدی العبادی
مجنونه شیعة حيدره بحسين مجنونه
ذبوهه عل موت الجدم والخطر يمشونه
ما ننمنع هیهات
منذوره هالرگبات
تفجير داعش ما منع ما تمنع اكرونه
کف لومتک یا ناصبی ونته ارجع الدارك
خلینی بفکاری ولک خلیهن افکارك
یا أيها الكافر بعد ما تشتعل نارك
صحناله يحسين الأبي كل عام زوارك
لو ضدنه كل الناس
موعدنا للعباس
مجنونه شیعة حيدره بحسين مجنونه
هل عام يفرق يختلف عن باقي لعوام
هل عام حجتهم وبا يردونه ننظام
وحيات ذاك اللي انقتل ما تمم اصيام
مجلس عزانه مستمر لو تمطر اسهام
ما ينگطع هالصوت
لحسین حد الموت
مجنونه شیعة حيدره بحسين مجنونه
وطلابتي ويّه الذي محسوب عالشيعه
لو ويّه قاتل فاطمه لو ويّه الوديعه
لو توگف ابصف حرمله واشما اُمر طیعه
لو نادي لبيك علي واعلن إله البیعه
بين مصيرك وین
لبيك نادي احسين
مجنونه شیعة حيدره بحسين مجنونه
يوم المعاد او بال خالیه إل إیدین
باچر املاگه اویه الوصی والعین بالعین
شتجاوب انته الحیدره لو یسئلک زین
شتگله خفت امن الوبا محضرت لحسین
باچر تضل محتار
شتجاوب الکرار
مجنونه شیعة حيدره بحسين مجنونه
مجلس عزاهم بي شفه ما تبگه علّه
واحسین یا درب العدل للعنده زَله
لو تدری چم تایه هِده وال الله دله
هیهات ناده ابکربله وأرفض الذله
ناده الحُسین ابصوت
یا محله عندی الموت
مجنونه شیعة حيدره بحسين مجنونه
الشاعر جعفر عبدالمهدی العبادی
درباره این سایت